1. |
Liczylka
03:54
|
|||
Андрэй Хадановіч - Лічылка
Ноч. Бяссонніца. Мора.
Лічым авечкі-хвалі.
Першая змыла ўчора
замкі, што мы будавалі.
След мой сцерла другая,
трэцяя – твой. За трыма –
пятая набягае,
бо чацвёртай няма.
Шостая дасць у плечы,
сёмая лясне па твары,
восьмая возьме рэчы,
крыжык і акуляры.
А дзявятая прыйдзе –
у сёмае неба скрадзе.
Сёння плавалі ў Нідзе.
Заўтра ў Нідзе.
|
||||
2. |
Ruh
05:09
|
|||
Рух рук, рух ног,
Рук дзвюх, ног трох,
Рух твой, рух мой,
Рух – так! Рух – стой!
Не, руш! Рух – цар,
Рух сноў, рух мар,
Рух – дар тых чар,
Чый пах знёс дах...
Бег, цвіў, тут, вось!
Рух быў. Ці – ёсць?
Ці – страх? Ці – млосць?
Хоць як, хоць штось!
Быў жвір, стаў бруд.
Рух знік? Рух – тут,
Рух мрой... Рух – час.
Рух, стой, я – пас.
|
||||
3. |
Park Czaluskincau
06:51
|
|||
якім тужлівым падаецца свет
калі ў туман па снезе
іду праз сакавіцкі
парк
як коні шызыя камлі
іх грываў рэдкія галіны
у нерухомасці
камлі як коні
выдыхаюць пару
і моўчкі сочаць
са сцежак пратаптаных
я збочыўшы бліжэй
да дрэў працягваю
руку да цёплых
і шурпатых іх бакоў
уздрыгваю ад дотыку
у танюткіх венах
трымціць зялёным
ціхім пульсам
пад белізною пальцаў
сок
вяртаюся праз снег
на сцежку тапчу
сляды стаптаныя
за браму парка
з туману я выходжу
ў зімовы горад
якім тужлівым падаецца свет
|
||||
4. |
Snow
04:22
|
|||
Снег над усёю зямлёю, снег.
У засяроджаным сэрцы — жах.
— Не
забівай
мяне! —
малюся на крыж нажа.
Снег над усёю зямлёю, у ім
магчыма сябе адшукаць.
На засяроджаным твары тваім —
каінава пячаць.
Снег над усёю зямлёю, снег.
Малюнак на шкле, імя.
— Не
забывай
мяне! —
далоні яе трымаў.
Снег над усёю зямлёю, які
працягвае думку ляза.
Падаюць з неба радкі,
якія нельга сказаць
|
||||
5. |
Sanctus Dominus
02:43
|
|||
З неба валіўся,
валіўся,
валіўся
бОГ,
якому ніхто не маліўся.
Млявенькім дожджыкам
ліўся,
ліўся
бОГ,
якому ніхто не маліўся.
Долу хіліўся,
хіліўся,
хіліўся
бОГ,
якому ніхто не маліўся.
Толькі паклон яму біў пакрысе
Бог,
якому маліліся ўсе.
|
Streaming and Download help
If you like Five-Storey Ensemble, you may also like:
Bandcamp Daily your guide to the world of Bandcamp